Rivayate Mukhtar(Mir Hasan Mir 2014)

Haay
Ay rone walo hai yeh rivayaat mein likha
Jis dum qayam kufe mein mukhtar ne kiya
Jo bhi the qaatilaane shahidane karbala
Unmein se koi jab bhi giraftaar hota tha
Hukme ameere par wo sitam jab sunata tha
Mukhtar sar ko peet ke bas rota jaata tha

Haay
Ek roz tha yeh kufe ke darbaar ka samaa
Ibne numayr apne sitam karta tha bayaan
Todi thi meine seenae akbar mein khud sina
Uthta tha shor khaimo se maara gaya jawaan
Maa jeeteji guzar gai zainab bhi mar gai
Ek barchi mere kitne jigar paar kar gai

Haay
Ek roz karke laaya gaya hurmala aseer
Bola wo run mein maine chalaaye the teen teer
Us waqt pehla teer chalaaya tha ay ameer
Bhar kar chala jo mashk ko mazlum ka safeer
Mashkize se jo teer mera paar hogaya
Aisa laga ke qatl alamdaar hogaya

Haay
Bola laae(n) yeh qarb ka hai dusra maqaam
Laaye jo apni goud mein besheer ko Imam
Sukhi zabaa(n) phiraata tha hoto pe tishnakaam
Yu qatl ibne zehra ka meine kiya qalaam
Hil hil gaya lehad mei jigar Abu Turaab ka
Maqtal mein nehar hogaya bacha rabaab ka

Haay
Darbaar mein yeh sun ke qayamat ka tha samaan
Peero jawaan rote the le leke hichkiya
Bola yeh hurmala abhi baaqi hai dastaan
Jis dum tera hussain tha teero ke darmiyaan
Wo teer akhri tha jo meine chalaaya tha
Arre uss teer ne hussain ko zeen se giraya tha

Haay
Phir shor Ya Hussain ka uthta tha baar baar
Jab qaid kar ke laaya gaya shimr bad shiyaar
Bola wo mere haath mein khanjar tha tez dhaar
Jisse kiye husaain ki gardan pe tera waar
Khanjar rawa tha halk pe ibne batool ke
Dil kat rahe the saath mein aale rasool ke

Haaay
Ab iske baad mir takallum bayan ho kya
Ay pursadaro sochna dil mein kabhi zara
Kyu itna waqt kaatile shabbir ko laga
Kis waaste hussain ka kat ta na tha gala
Mehshar mein yeh khulega sitam qaayenat par
Khanjar ke kuch nishaan hai Zehra ke haath par

« Back

Leave a Reply

Search your Options here
eg. yaa zehra

Announcement

15th M Ramzan

Wiladat e Imam Hasan as

19th M Ramzan

Shab e Zarbat Ali-Ibn-Abi Talib (A.S)

21st M Ramzan

Shahadat of Imam Ali-Ibn-Abi Talib (A.S)

23th M Ramzan

Shab e Qadr

3rd Rajab

Shahadat of Imam Ali-Un-Naqi (A.S)

Newsletter Sign Up
Interested in Shia updates.

We'll send you updates with Nauhas, Hadees, News, Events around the world.






Flickr Photos

DSCN3150humazadar